گهیځ
کابل-ګهیځ نیوز( د ثور ۲۴مه نېټه):
د ګهیځ نیوز د خبر له مخې د بهرنیو چارو سرپرست وزیر د ازبکستان د ټرانسپورټ له وزیر، الهام محکموف او د ازبکستان د ولسمشر له ځانګړي استازي، عصمت الله ارګاشیف سره د دوه اړخیزو سیاسي او اقتصادي اړیکو، سیمه ییز اتصال، ټرانزیټي پروژو، ګډې پانګونې او سیمه کې د افغانستان او ازبکستان د ټرانزیټي رول په اړه خبرې کړي.
د بهرنیو چارو وزارت په یوه خبرپاڼه کې د ازبکستان د ټرانسپورټ وزیر له خولې لیکل شوي، چې دا ځل کابل ته د اوسپنې پټلۍ، جیولوجي او کانونو د تکړه انجنیرانو په ګډون له ګڼو تخنیکي ټیمونو سره راغلی او په دغو برخو کې به له اړوندو ادارو سره بېلابېلې ناستې ولري.
الهام محکموف دغه راز ویلي، د افغان – ټرانس پروژې د عملي پیل لپاره یې تخنیکي پلاوی ملاتړ کوي او په خبره یې، ازبکستان له افغانستان سره د سرحدي خدماتو ۲۴ساعته کولو ته چمتو ده.
خبرپاڼه کې راغلي، د ازبکستان د ولسمشر ځانګړي استازي هم د هېواد په ځینو ولایتونو کې د وروستیو سېلابونو له امله د اوښتو زیانونو په اړه له افغانانو سره خواخوږي څرګنده کړې او په دغه برخه کې یې د همکاریو لپاره چمتووالی ښودلی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/