گهیځ
کابل-ګهیځ نیوز( د قوس/ لیندۍ ۱۸ نېټه):
د ګهیځ نیوز د خبر له مخې د امریکا د خزانې وزارت تېره ورځ اعلان وکړ، چې د بشري حقونو د اعلامیې د ۷۵ مې کلیزې په مناسبت یې له افغانستانه نیولې تر چین، ایران او هایتي پورې پر شلو کسانو چې په خپلو هېوادونو کې د بشري حقونو په سرغړونو تورن دي، بندیزونه لګولي دي.
د خبر پربنسټ، په دې ډله کې د افغان حکومت دوه لوړپوړي چارواکي، د امربالمعروف او نهی عن المنکر وزیر شېخ محمد خالد حنفي او د علومو اکاډمۍ مشر شېخ فریدالدین محمود شامل دي، چې د امریکا په وینا د ښځو او نجونو پر وړاندې په وروستیو بندیزونو کې ښکېل دي.
د افغان حکومت ویاند تېره شپه ناوخته د یو ټویټ په کولو سره دا بندیزونه وغندل او د فشارونو له لارې یې د مسایلو حل کول ستونزمن وبلل.
د مجاهد په خبره، امریکا د دې ډول اقداماتو ناکامه سابقه لري، نو باید چې پخوانۍ ناکامې تجربې تکرار نه کړي.
د دې پرېکړې په اساس هغه کسان چې نومونه یې د بندیزونو په لېست کې راغلي د امریکا له جایدادونو او بانکي حسابونو څخه محرومیږي او دوی ته اجازه نه ورکول کیږي، چې له امریکايي کمپنیو او افرادو سره کاروبار وکړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/