گهیځ
کابل-ګهیځ نیوز(د سرطان ۲۳ مه نېټه)
د ګهیځ نیوز د خبر له مخې د افغانستان – ایران د سوداګرۍ، صنایعو او کرنې ګډه خونه وایي، افغان سوداګرو ایران کې د درې میلیارده ډالرو په اندازه پانګونه کړې ده.
ایراني رسنیو د دغې ګډې خونې د رییس په حواله راپور ورکړی، چې ایران کې ۵۰ سلنه ثبت شوي شرکتونه د افغانانو دي.
د افغانستان – ایران د سوداګرۍ، کرنې او صنایعو د ګډې خونې رییس دغه راز ویلي، هڅه کوي چې د دواړو هېوادونو ترمنځ سوداګریزې اړیکې لا پراخه کړي.
بل لور بیا د افغانستان د اقتصاد وزارت بهر کې له افغان پانګوالو غواړي، څو خپلې پانګې هېواد ته را ولېږدوي او دلته یې په کار واچوي.
تر دې وړاندې د سوداګرۍ سرپرست وزیر ویلي وو، چې افغان سوداګرو ترکیې، متحده عربي اماراتو او پاکستان کې څه د پاسه ۱۵۰ میلیارده ډالره پانګونه کړې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/