گهیځ
کابل-ګهیځ نیوز( د دلو/سلواغه ۳۰ مه نېټه):
تېره شپه د افغانستان د کرکټ ملي لوبډلې د کرکټ د شل اوریزو سیالیو په چوکاټ کې خپله دوهمه لوبه د متحده عربي اماراتو لوبډلې ته وبایلله.
دغه لوبه کې افغان لوبډلې وکړای شول د شپږو لوبغاړو په سوځېدو سره اماراتو لوبډلې ته د ۱۳۸ منډو هدف وټاکي.
د افغانستان لپاره نجیب الله ځدراڼ ۳۷ منډې وکړې، حضرت الله ځاځي ۲۷، افسر ځاځي ۱۸، رحمان الله ګربز ۱۵ او د لوبډلې کپتان راشد خان ۱۴ منډې وکړې.
د توب اچونې پرمهال افغان لوبډلې وکړای شول چې یوازې یو لوبغاړی وسوځوي.
امارات وکړای شول چې د نهو وېکټو په درلودلو سره یاد هدف پوره کړي.
د افغانستان د کرکټ ملي لوبډله د شل اوریزو کرکټ سیالیو په نړیواله درجه بندۍ کې په لسم ځای کې ده.
نن شپه شپږ نیمې بجې به دواړه لوبډلې د لوبلړۍ وروستۍ لوبه کوي، چې ګټل به یې د دواړو لوبډلو لپاره د لوبلړۍ ګټل وي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/