ایران او پاکستان د افغان کډوالو د وېستلو لړۍ چټکه کړې

کابل-ګهیځ نیوز(د مرغومي / جدی ۱۷ مه نېټه)

د ګهیځ نیوز د خبر له مخې د ایران سمنان ولایت ځایي چارواکو خبرداری ورکړی، چې له دغه ولایت څخه به د ۱۴۰۴ کال تر پایه ټول افغان کډوال ووېستل شي.

مهر خبري آژانس پرون د سمنان ولایت سیاسي او امنیتي مرستیال مهدي اقا براري د ادعا له قوله لیکلي، چې پناه‌ غوښتونکو په بېلابېلو برخو کې ستونزې راولاړې کړې دي.

دغه ایراني چارواکي ټينګار کړی، چې د ناقانونه کډوالو حضور بېړنۍ پرېکړې ته اړتیا لري.

نوموړي په سمنان ولایت کې د املاکو سلاکارانو ته خبرداری ورکړی، چې له کډوالو سره د همکارۍ حق نه لري او که همکاري وکړي په خبره یې، له پرېکنده چلن سره به مخامخ شي.

له دې سره هم مهاله، پاکستان هم د افغان کډوالو نیولو او له هغه هېواده یې د شړلو لړۍ چټکه کړې ده.

پاکستاني پولیسو په تېرو څو ورځو کې د ښځو او ماشومانو په ګډون لسګونه کډوال نیولي او اسلام اباد کې یې د پاتې کډوالو ژوند تریخ کړی دی.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/