گهیځ
کابل-ګهیځ نیوز( د ثور ۲۲مه نېټه):
د ګهیځ نیوز د خبر له مخې د بغلان ولایت په مرکزي بغلان، برکې او پلخمري ولسوالیو کې د پرونیو راوتلو سېلابونو له امله له ۵۰ ډېر کسان مړه شوي دي.
د بغلان د پیښو پر وړاندې د مبارزې رییس وایي، ډېر انساني زیان د مرکزي بغلان په لقیانو او شیخ جلال سیمو کې رامنځته شوی دی.
د سیمې د اوسېدونکو او روغتیاپالانو په وینا، ښایي د تلفاتو کچه نوره هم لوړه شي.
بل لور د بغلان اطلاعات او کلتور رییس وایي، د ژغورنې ټیمونه د پلخمري، برکې او مرکزي بغلان هغو سیمو ته رسېدلي، چې د سېلاب څپې په کې زوروې وې.
د نوموړي په خبره ګڼ کسان ژغورل شوي هم دي.
د بغلان ولایتي اداره وایي، سېلاب ځپلو سره د مرستې په موخه له ټولو شته امکاناتو ګټه پورته کوي او په عملي ډول د پیښو پر وړاندې د مبارزې ریاست یوه اندازه خیمې او روغتیایي کیتونه دغو ولسوالیو ته رسولي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/