گهیځ
کابل-ګهیځ نیوز( د جدی/ مرغومي۲۱ مه نېټه):
د راپورونو له مخې د کانونو او پټرولیم وزارت سرپرست وزیر تېره ورځ کابل کې د ترکمنستان له سفیر خواجه عوضوف او د ټاپي پروژې له اجرایوي رییس مراد امانوف سره کتلي دي.
د راپور پر بنسټ، په دې کتنه کې د ټاپي پروژې د ارزښت، د ځمکو د استملاک، کابل ته د ترکمنستان تخنیکي ټیم د راتک او هرات کې د عملي چارو پیل لپاره د زمینه سازۍ په اړه هر اړخيزې خبرې شوې دي.
په کابل کې د ترکمنستان سفیر ويلي، د ټاپي پروژې د تطبیق لپاره تر بل هر وخت ښه زمینه برابره شوې او دوی د دې پروژې ژر پیل ته ژمن دي.
دغه راز د کانونو او پټرولیم وزارت سرپرست، ياده پروژه نه یواځې د افغانستان، بلکې د ټولو دخیلو هېوادونو لپاره ګټوره بللې او ويلي يې دي، چې ټول افغانان د دې سترې اقتصادي پروژې تر شا ولاړ دي او د افغانستان سرپرست حکومت هم په دې برخه کې بشپړې همکارۍ ته چمتو دی.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/