گهیځ
کابل-ګهیځ نیوز( د سرطان/ چنګاښ ۲۰ مه نېټه):
وروسته له هغې چې ګهیځ نیوز ته د تورخم له پولې هغې غاړې یو شمېر بند پاتې افغان کډوالو شکایتونه وکړل، دغه شکایتونو تورخم کې له افغان مسوولینو سره څو وار شریک شول، خو دا چې یاد کډوال د پاکستاني مسوولینو له لوري نۀ پرېښودل کېدل، تازه افغان چارواکو ویلي، چې اسلام آباد کې د افغانستان سفارت په تورخم کې د بند پاتې افغان کډوالو په اړه له پاکستاني چارواکو سره له نږدې خبرې کړي دي.
دوی زیاته کړې، چې پاکستاني لوري په دې برخه کې د سفارت رهبرۍ ته د پوره همکارۍ ډاډ ورکړی او ژمنه یې کړې، هغه افغان کډوال چې له پاکستان څخه بېرته خپل هېواد ته ستنیږي او تورخم کې بند پاتې دي، ډېر ژر به خپل هېواد ته د ورتګ اجازه ورکړي.
مسوولینو زیاته کړې، چې دوی سره په راتلونکي کې د دا ډول ستونزو د نه رامنځته کېدو ژمنه هم شوې ده.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/