خوست کې د ترافیکي پېښې له امله ۵ کسانو ته مرګ – ژوبله اوښتې

کابل-ګهیځ نیوز(د لیندۍ / قوس ۲۸ مه نېټه)

د ګهیځ نیوز د خبر له مخې د خوست ولایت په اسماعیل خېلو او مندوزیو ولسوالۍ کې د ترافیکي پېښې له امله پنځو تنو ته مرګ – ژوبله اوښتې ده.

د خوست ولايت د امنیې قومندانۍ ویاند رسنیو ته ويلي، چې د اسماعیل خېلو او مندوزیو ولسوالۍ اړوند دوه سړکه بازار کې د یو هینو او ټوډي ډوله موټرو ترمنځ ټکر شوی، چې په پایله کې یې یو کس مړ شوی او د دوو مېرمنو په ګډون په کې څلو نور ټپیان شوي دي.

مسؤولینو د پېښې لامل د موټر چلوونکو بې احتیاطي ښودلې.

دغه راز د یادې سیمې خلک له موټر چلوونکو غوښتنه کوي، چې د موټر چلولو پرمهال دې ترافیکي اصول رعایت کړي، څو د دې ډول ناورینونو مخنیوی وشي.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/