گهیځ
کابل-ګهیځ نیوز(د لیندۍ / قوس ۱۲ مه نېټه)
د ګهیځ نیوز د خبر له مخې د خوړو نړیوال پروګرام یا WFP افغانستان کې د ژمي په رارسېدو سره د بودیجې کموالي له امله د میلیونونو اړمنو کسانو د ستونزو په اړه اندېښنه څرګنده کړې.
د دغه سازمان په وینا، افغانستان کې د هوا په سړېدو سره له هرو څلورو کورنیو څخه یو د خوړو ترلاسه کولو لپاره له جدي ستونزو سره مخ دی.
دې ادارې په خپل راپور کې ویلي، چې د ژغورنې لپاره یوازینۍ وسیله د مرستو دوام دی، خو د بودیجې د کمښت له امله به ډېرې اړمنې کورنۍ له مرستو بې برخې پاتې شي.
یاد سازمان خبرداری ورکړی، چې سوړ ژمی به د هغو کورنیو وضعیت نور هم کړکېچن کړي، چې لا دمخه له لوږې او فقر سره مخ دي.
د نړیوالو مرستو د کمېدو په ترڅ کې دا سازمان د مرستو د پوره کولو لپاره د نړیوالې ټولنې د مرستو غوښتنه کړې.
د خوړو نړیوال پروګرام څرګنده کړې چې د افغانستان خلک دوامداره نړیوالو هڅو او ملاتړ ته اړتیا لري څو له دې سختو شرایطو سره مقابله وکړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/