گهیځ
کابل-ګهیځ نیوز( د میزان/ تلې ۹ مه نېټه):
د نړیوالو رسنیو د خبر له مخې د روسیې د بهرنیو چارو وزارت د مسکو فارمټ د غونډې ګډه اعلامیه خپره کړې، چې په کې په افغانستان کې د ټولو قومونو د استازو په ګډون د یو ټولشموله حکومت په جوړېدو، د ښځو حقونو په تامین او د ترورېزم سره د مبارزي په پیاوړي کېدو ټینګار شوی دی.
د افغانستان د وضعیت د ارزولو لپاره د مسکو فارمټ د مشورتي غونډو په لړ کې د جمعې په ورځ د روسیې د فدراسیون د تاتارستان جمهوریت د کازان په ښار کې پنځمه غونډه د روسيې، هند، ايران، قزاقستان، قرغزستان، چين، پاکستان، تاجکستان، ترکمنستان، اوزبکستان او د افغانستان د سرپرست حکومت د یوپلاوي په ګډون جوړه شوه.
په ګډه خپره شوې اعلامیه کې ویل شوي، چې د واقعي ټولشموله حکومت د جوړېدو برخه کې، چې په افغانستان کې د ټولو مېشتو قومونو او سیاسي ډلو ګټې په کې منعکس شي، تر اوسه هیڅ ډول پرمختګ نه دی شوی.
د بهرنیو چارو سرپرست وزیر د ګډې اعلامیې د خپرېدو دمخه د مسکو فارمټ غونډې ته وویل، چې علمي او عملي تجربو ښودلې ده چې د افغانستان د بحران اصلي ريښه د کورنیو مسلو په اړه د خارجي نسخو، ماډلونو او فرمایشونو تطبیق وو، چې د دغه هېواد جغرافیه، تاریخ، فرهنګ، دیني او ټولنیز ارزښتونه په کې له پامه غورځول شوی وو.
ـــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/