گهیځ
کابل-ګهیځ نیوز( د دلو/ سلواغه ۹ مه نېټه):
د ګهیځ نیوز د خبر له مخې د پکتیکا ولایت ځايي چارواکو خبر ورکړی، چې د خلکو تر ۸۱ ورځني پرلت وروسته د پاکستان حکومت د انګور اډې پر لار يوازې پلې تلونکو کسانو ته د تګ اجازه ورکړې ده.
د خبر پر بنسټ، تر دې وړاندې دا لار د پاکستاني حکومت لخوا د ويزې غوښتلو په پرېکړه د خلکو د اعتراض او پرلت له امله تړل شوې وه. د چارواکو په خبره لا هم څرګنده نه ده چې ايا د پاکستان حکومت د ویزو له پرېکړې پر شا شوی او که کومه بله حللار ورته لټول شوې ده، خو دغه لار لا هم د بار وړونکو موټرو پر مخ تړلې پاتې.
دا په داسې حال کې ده چې د کندهار له سپين بولدک سره پر پوله د پاکستان اړخ ته په چمن ښار کې هم خلک تر ۱۰۰ له زياتو ورځو راهيسې د پاکستان د حکومت د ويزې غوښتلو د پرېکړې پر ضد اعتراضونه کوي، خو د پاکستان حکومت لا هم ورته کوم مثبت ځواب نه دی ورکړی.
.ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/