گهیځ
کابل-ګهیځ نیوز( د قوس/ لیندۍ ۶ نېټه):
د رسنیو د راپورونو له مخې د بهرنیو چارو سرپرست وزیر د یوناما له رییسې روزا اوتونبایوا سره کتلي دي.
د بهرنیو چارو وزارت د ویاند مرستیال ویلي، چې په دې کتنه کې له پاکستان څخه د افغان کډوالو د جبري وېستنې، له راستنېدونکو سره د سرپرست حکومت، ملګرو ملتونو او نورو خېريه ادارو د مرستو پر څرنګوالي، د افغانستان په اړه د ملګرو ملتونو د ځانګړي ارزوونکي د وروستي راپور او نورو موضوعاتو په اړه خبرې کړې دي.
د راپور پر بنسټ، د يوناما مشرې د هرات زلزلې او د راستنېدنې بهير پر وړاندې د سرپرست حکومت د رغنده غبرګون ستاينه کړې او د ملګرو ملتونو ادارو ونډې ته یې په اشارې زياته کړې، دوی به هڅه وکړي چې له نشه يي توکو سره د مبارزې، د بزګرانو او راستنېدونکیو د ملاتړ او د کارموندنې په څېر نورو اړوند برخو کي هم خپل رول ولوبوي او د بشري مرستو تر څنګ د کوچنيو پورونو فرصتونه هم رامنځته کړي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/