گهیځ
ګهیځ: نن چهارشنیه (د کب ۴مه نېټه) ملي راډيو ټلویزون د انس حقاني له قوله وايي، چې د ا.ا په مشرۍ د افغانستان نوي حکومت د رسمیت پېژندنې بهیر په چوپتیا سره روان دی او په دې برخه کې پرمختګونه هم شوي.
نوموړي زیاته کړې، چې نن ورځ کابل کې ډېر سفارتونه فعال دي او په ډېری هېوادونو کې موږ هم خپل سفارتونه پرانیستي دي.
دا ټول د سیاسي هڅو پایله او په چوپتیا سره د رسمیت پېژندنې پړاوونه دي.
دا په داسې حال کې ده، چې پر افغانستان د اسلامي امارت له واکمنېدو شاوخوا ۷ میاشتې تېرېږي خو تر اوسه کوم هېواد په افغانستان کې نوی رامنځ ته شوی حکومت په رسمیت نه دی پېژندلی.