گهیځ
کابل-گهیځ نیوز( د جدی/مرغومی لومړی):
نيپال هېواد د چارلېز صبحراج په نوم د هغه فرانسوي قاتل د آزادولو پرېکړه کړې چې د افغانستان په ګډون يې څو هېوادونو کې شاوخوا شل تنه وژلي دي.
صبحراج له ۱۹۷۰ کال راهيسې د نړيوالو ګرځندويانو وژل پيل کړل او تر ۲۰۰۴ کال پورې يې په افغانستان، هند، تايلنډ، ترکيې، نيپال، ايران او هانګ کانګ کې شاوخوا ۲۰ تنه ووژل چې وروسته په کټمنډو کې ونيول شو او دوه ځلې پر عمري بند محکوم شو.
په نيپال کې د عمري بند سزا موده شل کاله ده، خو د نيپال محاکمو ويلي چې صبحراج په زندان کې د بند د لويې برخې د تېرولو، ښې رويې او اصولو ته د غاړې اېښودولو له کبله د ازادۍ مستحق دی، خو په ورته مهال يې دا هم ويلي چې هغه د زړه پر رنځ اخته او روغتيايي وضعيت يې خراب دی.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/