گهیځ
کابل-ګهیځ نیوز( د دلو/ سلواغه ۱۵ مه نېټه):
د ګهیځ نیوز د خبر له مخې د چمن پرلت کوونکي چې له نږدې څلورو میاشتو راهیسې د سپین بولدک ـ چمن پر دروازه د پاسپورټ جبري کېدو په غبرګون کې پرلت کړی وايي، که غوښتنې یې ونه منل شي، د ټولو دولتي ادارو مخې ته به پرلت ووهي او په ټاکنو کې به ګډون ونه کړي.
د خبر پر بنسټ، د سپین بولدک ـ چمن پر دروازه د پاکستان حکومت له لوري د پاسپورټ جبري کېدو په غبرګون کې د اوږده مهال پرلت ګډونوال د هرې ورځې په تېرېدو زغم له لاسه ورکوي.
د چمن د پرلت سرلاری غوث الله اڅکزي د پرلت وهلو په ۱۱۴ مه ورځ پرلتوالو ته په وینا کې ویلي، چې د پاکستان حکومت په ګډون د چمن یو شمېر مشرانو، سیاسيونو او د دیني عالمانو له لوري په یوه او بله پلمه تېر وېستل کیږي.
پاکستاني ریاست تر دا دمه د دغو پرلت کوونکو د غوښتنې په غبرګون کې څه نه دي ویلي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/