گهیځ
کابل-ګهیځ نیوز( د سرطان/ چنګاښ ۱۹ مه نېټه):
د راپورونو له مخې د کانونو او پټرولیم سرپرست وزیر وایي، د افچین په نوم هغه شرکت به چې د روان ميلادي کال په جنورۍ کې ورسره د آمو نفتي حوزې د استخراج قرارداد شوی، په لومړي کال چې آزمایښتي دوره ده، په سیمه کې د نږدې یو نیم سل ميلیونو ډالرو په ارزښت نوره پانګونه هم کوي.
د خبر پر بنسټ نوموړي ویلي، په سرپل ولایت کې د قشقري د تېلو د زېرمو د حوزې له هغې څاه چې دوه ورځې وړاندې پرانیستل شوه، د ورځې سل ټنه تېل استخراج کېدای شي او د راتلونکې زېږدیز کال د جنوري تر پنځمې پورې به افچین شرکت چې د آمو دریا نفتي حوزې د تېلو د استخراج قرارداد ورسره شوی، په سیمه کې ۱۶ نورې څاګانې هم په همدې اندازه د تېلو استخراج ته چمتو کوي.
د کانونو سرپرست وزیر ویلې، چې د افچین په نوم شرکت به په درې کلنه اکتشافي موده کې په سیمه کې په ۳ سوه کیلومتره مربع ساحه کې لس نورې څاګانې باسي او په یوه کلنه آزمایښتې موده کې به یې شپږ استخراج ته چمتو کوي.
دغه راز ویل شوي چې که شرکت له کوم موجه دلیل پرته دوه میاشتې فعالیت دروي، شوی قرارداد به ورسره فسخ کیږي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/