گهیځ
کابل-ګهیځ نیوز(د لیندۍ / قوس ۱۳ مه نېټه)
د ګهیځ نیوز د خبر له مخې د کانونو او پټرولیم سرپرست وزیر بدخشان ته د سفر پرمهال په ناقانونه توګه د کانونو د استخراج او د قاچاق پر مخنیوي ټینګار وکړ.
نوموړي په دې برخه کې د بدخشان ولایت د چارواکو د ډېرې همکارۍ او همغږۍ غوښتنه هم وکړه.
سرپرست وزیر همدارنګه د شهر برزګ ولسوالۍ ته ورغلی او په یوې غونډه کې یې د شرکتونو مسوولینو او ځايي خلکو ته ویلي چې په ناقانونه توګه د کانونو کیندلو ته اجازه نه ورکول کیږي او ټول شرکتونه مکلف دي چې د قانون پر بنسټ تړون وکړي.
د کانونو او پټرولیم وزارت د خبرپاڼې پر بنسټ، سرپرست وزیر د کان کیندنې شرکتونو ته ویلي، د کانونو او پټرولیم وزارت د زرشویۍ او مسلکي معدن کارۍ لپاره یوه جامع کړنلاره چمتو کړې، چې معدنکاران کولی شي، کابل ته د راتګ پر ځای د بدخشان ولایت د کانونو او پټرولیم وزارت له ریاسته خپل جوازونه ترلاسه کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/