زابل کې د مغلیز پل د جوړېدو چارې بشپړې شوې

کابل-ګهیځ نیوز( د دلو/ سلواغه ۱۰ مه نېټه):

د ګهیځ نیوز د خبر له مخې د ټولګټو وزارت چارواکو ویلي، چې د کابل – کندهار لویې لارې اړوند د زابل ولايت مغلیز پل رغنیزې چارې بشپړې او ګټې اخیستنې ته وسپارل شو.

د خبر پر بنسټ د یاد پل د پرانیستې په مراسمو کې د ټولګټو وزارت سرپرست او یو شمېر نورو ځایي مسوولینو ګډون کړی وو.

مغلیز پل چې ۴۹.۲ متره اوږدوالی او ۸.۲ متره پلنوالی لري، رغنیزې چارې یې د ټولګټو وزارت له لوري د ۱۳ میلیونه افغانیو په لګښت د ۸ میاشتو په موده کې بشپړې شوې.

د ټولګټو وزارت له لوري د یادې لویې لارې اړوند د دوه نورو پلونو کارونه د څه باندې ۳۱ ميليونه افغانيو په لګښت له وړاندې بشپړ کړی و او د مغلیز پل په بشپړېدو سره د کابل – کندهار لویې لارې اړوند د ټولو پلونو کار بشپړ شو.

ــــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/