گهیځ
کابل-ګهیځ نیوز( د قوس/ لیندۍ ۸ نېټه):
د راپورونو له مخې د سوداګرۍ او پانګونې خونې لومړي مرستیال، د واخان کوريډور د جوړولو چارو د پیل غوښتنه وکړه.
محمد یونس مهمند په کابل کې په همدې مناسبت جوړه شوې غونډې ته وویل، چې افغانستان اوسمهال د نړۍ له ډېرو هېوادونو سره ښې اړیکې لري او د پاکستان په کراچۍ بندر کې ستونزې یوڅه حل شوې او اوس د ۳ زره ۳۸۰ کانټینرونو یوه برخه د افغانستان پر لور حرکت ورکړل شي.
د مهمند د معلوماتو له مخې، اوسمهال له پاکستان او ایران سره د هېواد بندرونه فعال دي او دغه راز له ترکمنستان، ازبکستان، تاجکستان او چین سره د افغانستان سوداګریزې چارې په عادي ډول روانې دي او صادرات هم مخ پر وړاندې دوام لري.
هغه زیاته کړې، چې له مرکزي آسیا او ایران سره د افغانستان سوداګري د تېر کال په پرتله د پرمختګ په حال کې ده او د افغانستان خصوصي سکتور له سرپرست حکومت څخه غوښتنه وکړه، چې د یادو سوداګریزو او ټرانزیټي لارو ترڅنګ، هر څومره ژر چې امکان ولري، د واخان کوریډور د جوړولو کار پیل کړي.
افغان حکومت موده وړاندې د واخان کوريډور د چارو په اړه ارزونه کړې وه.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/