گهیځ
کابل-ګهیځ نیوز( د دلو/ سلواغه ۱۶ مه نېټه):
د ګهیځ نیوز د خبر له مخې د مخابراتو او معلوماتي ټکنالوژۍ سرپرست وزیر د غزني ۱۸ ولسوالیو له ولسوالانو سره په کتنه کې په دې ولایت کې د ۳۱مخابراتي انتنونو د نصبولو خبر ورکړی.
د خبر پربنسټ، د غزني ولایت مقام په دې اړه په خپره کړې خبرپاڼه کې ویلي، چې د دغو مخابراتي سایټونو له ډلې به ۲۸ سایټونه په ۱۸ ولسوالیو کې او ۳ هغه به یې د عمومي لارې د وصل په موخه نصب شي.
خبرپاڼه کې ویل شوي، چې په دې کتنه کې د غزني ولایت ولسوالانو د دولتي ادارو د انټرنېټ د کېفیت لوړولو غوښتنه هم کړې، چې د مخابراتو سرپرست وزیر د دغې ستونزې د ژر حل ډاډ ورکړی دی.
د مخابراتو او معلوماتي ټکنالوژۍ وزارت د TDF د لسمې پروژې پر اساس په پام کې لري, چې په ټول هېواد کې ۴۵۰ مخابراتي انتنونه نصب کړي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/