گهیځ
کابل-ګهیځ نیوز(د کب/ حوت ۲۹ مه نېټه)
د ګهیځ نیوز د خبر له مخې نړیوالو رسنیو راپورونه ورکړي، چې شاوخوا ۱۰۰ اسراییلي الوتکو تېره ورځ سهار په سیمه ییز وخت ۳ بجې پر غزې تړانګې د بریدونو تازه څپه کې تر ۸۰۰ زیاتو فلسطیني وګړو ته مرګ ژوبله اړولې.
د دې بمباریو د مرګ – ژوبلې په اړه عربي رسنیو ویلي، چې نږدې ۴۰۰ شهیدانو او ۴۰۰ څخه زیات نور ژوبل دي. شهیدانو کې له سلو ډېر یې ماشومان دي.
نړیوالو غبرګونونو کې د اسراییلي اشغالګرو دا هوایي بریدونه د صهیونېست رژیم ناکامه دریځ بلل شوی.
د افغان حکومت پر غزې تړانګې د اسراییلي اشغالګرو دا بریدونه وحشیانه بللي.
حـ ـماس جـ ـهادي غورځنګ چې غزه کې واکمن دي په خپل غبرګون کې ویلي، اسراییلي اشغالګرو د اوربند تړون لغوه کړ او له خپلو مکلفیتونو یې تېښته وکړه.
د حماس بیانیه کې زیاته شوې، د اسراییلو لومړي وزیر بنیامین نتنیاهو په مشرۍ د جګړې بیا پیل به غزه کې د پاتې اسراییلي بندیانو د اعدام حکم صادر کړي.
د دغه غورځنګ چارواکو ټینګار کړی، چې حمـ ـاس د تړون د پړاوونو بشپړولو ته لېواله دی، خو نتنیاهو د خپلو شخصي ګټو او له کړکېچونو د خلاصون لپاره له دې تړون سره مخالفت وکړ.
د اسراییلو دفاع وزیر یسراییل کاتز ویلي، تر هغې به بریدونو ته د پای ټکی کېنږدي، چې ټول جنګي اهداف یې نه وي ترلاسه کړي.
په ورته مهال سپینې ماڼۍ مطبوعاتي سکرترې ویلي، چې اسراییلو دغه بریدونه د ټرمپ ادارې سره په مشوره ترسره کړي دي.
بلخوا یمن کې حوثیانو د غزې د ننیو بریدونو په غبرګون کې ژمنه کړې، چې دوی به د اسراییلي اشغالګرو مقابلې لپاره کوټلي ګامونه پورته کړي.
په ورته مهال چین او ترکیې هېوادونو هم د اسراییلي اشغالګرو تازه بریدونه غندلي او د دې بشري ناورین د مخنیوي غوښتنه یې کړې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/