گهیځ
کابل-ګهیځ نیوز( د جوزا لومړۍ نېټه):
د ګهیځ نیوز د خبر له مخې د قطر سرې میاشتې له لوري د کندهار ولایت په ډڼد ولسوالۍ کې د یوه روغتیايي مرکز د جوړولو د بنسټ ډبره کېښودل شوه.
د خبر پر بنسټ په اړینو وسایلو سمبال دغه مرکز د ډنډ ولسوالۍ په کرز کلي کې د ۲۴۳ زره ډالرو په لګښت د ۶ میاشتو په موده کې رغول کیږي.
دغه راز د افغاني سرې میاشتې مرستیال عبداللطيف ثابت، د قطر هېواد د سرې میاشتې د استازي دکتور محمد صالح ابراهيم او په افغانستان کې د قطر د سرې میاشتې د مسوول احمد العثماني ترمنځ د کندهار د افغاني سرې میاشتې په سيمه ييز دفتر کې ناسته ترسره شوه.
په ورته مهال د قطر هېواد د سرې مياشتې استازي دوکتور محمد صالح ابراهيم ژمنه وکړه، چې د کندهار ولایت په درېیمه ناحيه کې به هم نوی روغتیايي مرکز جوړ کړي او تر راتلونکو درې کلونو پورې به د شته روغتیایي مرکزونو ټول اړین توکي او تجهيزات چمتو کوي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/