گهیځ
کابل-ګهیځ نیوز( د حمل/وري ۱۴ نېټه):
د راپورونو له مخې په پاکستان کې د ملګرو ملتونو د کډوالو چارو دفتر ( IOM) په خپله خوښه افغانستان ته د ۵ زره ۱۸۱ افغانانو د بېرته ستنېدو خبر ورکړی.
د دغه راپور پر بنسټ، له دغه کډوالو ۲ زره ۶۷۹ یې د تورخم له لارې او ۲ زره ۵۰۲ یې د چمن له لارې افغانستان ته ستانه شوي دي.
راپور کې دا هم راغلي، چې د پاکستان سرحدي چارواکو ۳۲۹ هغه افغانانو ته چې په پاکستان کې د اوسېدلو قانوني اسناد یې نه درلودل، افغانستان ته د دوی د ستنېدو لپاره اسانتیاوې برابرې کړې دي.
د پاکستان د ( IOM) دفتر لیکي، د تورخم او د چمن په دروازو کې د روان کال د جنورۍ میاشتې له لومړۍ نېټې د مارچ تر ۲۵ مه پورې دوی ۱۸ زره ۹۲۶ هغه بې اسناده افغانان ثبت کړي، چې بېرته افغانستان ته ستانه شوي دي.
د روان زېږدیز کال له پیل راهیسې د بې اسنادو افغانانو سره د پاکستان پولیسو چلند نور هم جدي شوی، چې د ډېرو څارونکو نیوکې یې پاکستان باندې راپارولي دي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/