گهیځ
کابل-ګهیځ نیوز(د وږی/سنبله ۵ مه نېټه)
د ګهیځ نیوز د خبر له مخې کندوز کې د سوداګرۍ او پانګونې خونې ویلي، په تېرو ۵ میاشتو کې له شېرخان بندره مرکزي اسیا ته د څه باندې ۵ میلیونه امریکايي ډالرو په ارزښت د افغانستان سوداګریز توکي صادر شوي دي.
د دوی په وینا مبلایل، د موټرو ټایرونه او وچه مېوه هغه توکي دي، چې له شیرخان بندره تاجکستان او بیا مرکزي آسیا ته صادریږي.
یو شمېر سوداګر د تاجکستان له لوري د ویزو بندښت ته اندېښمن دي او له مسوولینو غواړي چې د دغې ستونزې د حل لپاره هڅې وکړي.
په همدې حال کې د کندوز د بهرنیو چارو ریاست وايي، هڅه کوي چې له تاجکستاني لوري سره دغه ستونزه حل کړي.
شېر خان بندر د هېواد په شمال کې یو له مهمو سوداګریزو بندرونو دی، چې افغانستان له تاجکستان او له دې لارې د منځنۍ آسیا له نورو هېوادونو سره نښلوي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/