گهیځ
کابل-ګهیځ نیوز( د جدی/ مرغومي۲۴ مه نېټه):
د ګهیځ نیوز د خبر له مخې نیمروز ولایت کې امنیتي مسوولینو ویلي، چې یو تن ځانمرګی بریدګر هدف ته له رسېدو وړاندې له منځه وړل شوی دی.
د دوی په خبره یاد بریدګر غوښتل چې ځان د مستوفیت دروازې له لارې د ولایت مقام دفتر ته ورسوي، خو په وینا یې چې له پېژندلو سره سم د امنیتي کسانو له لوري له منځه وړل شوی دی.
د ځایي مسوولینو په وینا پېښه کې درې تنه امنیتي کسان سطحي ټپیان شوي، خو نور چاته په کې زیان نه دی رسېدلی.
د دوی په وینا د بریدګر موخه د نیمروز والي شېخ محمد قاسم خالد و.
تر اوسه د دغې برید مسوولیت چا نه دی منلی، خو امنیتي مسوولینو ویلي، په اړه به یې هر اړخیزې پلټنې وکړي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/