گهیځ
کابل-ګهیځ نیوز( د جوزا/ غبرګولي ۲۰مه نېټه):
د هندي رسنیو د خبر له مخې د دغه هېواد د بهرنیو چارو وزیر ایس جي شنکر پرون په نوي ډیلي کې یوې خبري غونډې ته ویلي، چې هند خپل تخنیکي ټیم بېرته په کابل کې خپل سفارت ته استولی دی.
نوموړي ویلي، د دغه ټیم دنده دا ده چې حالات وڅاري او وګوري چې هند په څه ډول د افغانانو ملاتړ کولی شي.
جي شنکر یاد کنفرانس کې زیاته کړې، چې په افغانستان کې د هند تمرکز اوس پر سیاست لږ دی او د افغانانو ملاتړ او په ځانګړي ډول له هغوی سره تاریخي اړیکو ته ډېر دی.
د هند د بهرنیو چارو وزیر دا هم ویلي، چې واک ته د سرپرست حکومت له رسېدو وروسته یې خپل ډیپلوماتان له افغانستانه په دې خاطر وایستل، چې امنیتي اندېښنه یې لرله او دا کار ډېرو نورو هېوادونو هم وکړ، خو د وخت په تېرېدو یې خپل تخنیکي ټیم بېرته سفارت ته واستاوه، دوی له څه مودې راهیسې هلته دي او دنده یې تر یوه حده دا ده چې حالات له نږدې و ارزوي او وګوري چې څرنګه هند په هغه څه کې له افغانانو سره مرسته کولی شي چې هغوی ورته اړتیا لري.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/