گهیځ
یکشنبه، د لړم ۱۵مه
کابل/ګهیځ: د یمن له دولتي ځواکونو سره په نښته کې د حوثي وسله والې ملېشې ۷ غړي وژل شوي.
سبا خبري اژانس په خپل راپور کې ویلي، چې په یمن کې د ایران تر ملاتړ لاندې د فعالې حوثي ډلې دغه وژل شوي غړي په صنعا کې خښ کړی شوي دي.
د یمن پوځ په یوه خبرپاڼه کې ویلي، چې د مارب په لویدیځ شمال نظامي سیمه کې یې د دغې ملېشې اړوند یوه پوځي چورلکه نسکوره کړې ده.
دا په داسې حال کې ده، چې تېره ورځ هم د یمن په سوېل لویدیځ تعز ښار کې د دغه هېواد له دولتي پوځیانو سره په نښته کې د حوثي ملېشې ۳ تنه وژل شوي وو.
