گهیځ
کابل-ګهیځ نیوز( د سنبله/ وږي ۸ مه نېټه):
د ګهیځ نیوز د خبر له مخې د پکتیا د کرنې، اوبو لګولو او مالدارۍ ریاست د دغه ولایت په مرکز، احمد آباد، سید کرم او زرمت ولسوالیو کې د خوړو نړیوال پروګرام په مالي ملاتړ د څه د پاسه یو میلیون امریکايي ډالرو په لګښت د یوې پروژې د پیل خبر ورکړی.
د خبر پر بنسټ دغه پروژه د ابو د مدیریت په برخه کې پلې کیږي، چې شاوخوا ۹ زره ۱۴۷ کسانو ته به په کې د کار زمینه هم برابره شي.
مسوولینو دغه پروژه حیاتي او د اوبو د سرچینو په بیاغوړولو او وچکالۍ څخه د مخنیوي په برخه کې مهمه بللې ده.
په ورته وخت کې د افغانستان لپاره د ناروې کمېټې مسوولینو ویلي، چې د پکتیا ولایت په ټولو ولسوالیو کې یې مختلفې پروژې پیل کړي، چې ګڼ شمېر کسانو ته په کې د کار زمینه هم برابره شوې ده.
د دغو پروژو د تطبیق پر مهال هر کارګر ته د ورځې د ۵ ډالرو معادل افغانۍ ورکول کیږي او ترڅنګ یې د غنمو اصلاح شوي تخمونه، کیمیاوي سرې، د څارویو خوراکي توکي، کرنیز وسایل او د سابو تخمونه هم ورکول کیږي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/