گهیځ
کابل-ګهیځ نیوز( د حمل/وري ۱۷ نېټه):
د بهرنیو چارو وزارت مرستیال ویاند د یو ټویټ په کولو سره ویلي، چې کابل کې د روسیې سفیر ډېمیټري ژیرنوف د سرپرست افغان حکومت د بهرنیو چارو له وزیر امیر خان متقي سره لیدلي دي.
نوموړي دغه ټویټ کې زیاته کړې، په دغه ناسته کې د افغانستان او روسیې ترمنځ پر سیاسي، امنیتي، اقتصادي او نورو هر اړخیزو همکاریو مفصلې خبرې وشوې.
د ده په خبره د بهرنیو چارو وزیر ویلي، افغانستان لېواله دی چې له روسیې سره خپلې سیاسي او اقتصادي اړیکې پراخې کړي.
نوموړي روسي استازي ته په افغانستان کې د امنیت ډاډ ورکړ او ټینګار یې وکړ، چې له افغانستانه هېڅ هېواد ته ګواښ متوجه نه دی.
د مرستیال ویاند له قوله د روسیې سفیر هم د دواړو هېوادونو پر نژدې اړیکو ټینګار وکړ او په راتلونکي کې یې په ګڼو برخو کې د دولتي پلاوو د تګ_راتګ په موخه چمتووالی وښود.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/