گهیځ
ګهیځ نیوز: نن دوشنبه (د وري ۱۵مه او د اپرېل ۴مه نېټه ده) د افغانستان د نوي حکومت کابینې د مخابراتو او ټکنالوژۍ وزارت ته لارښوونه کړې چې د مخابراتي شرکتونو د نا ثبت شوي سیم کارټونو د ویش مخه ونیسي.
د اسلامي امارت مرستیال ویاند، انعام الله سمنګاني پرخپل ټوېټر لیکلي چې هیڅ مخابراتي شبکه اجازه نه لري چې د کسانو په نوم غیر راجستر سیم کارټونه ووېشي.
په کابل او ولایتونو کې د بې اسنادو سیم کارټونو کارول تل امنیتي اندېښنې راپورته کړي او جرمونه یې له ځان سره لرلي دي.
پر خواله رسنیو تبصرو کې د حکومت دغه اقدام ستایل شوی او ویل شوي چې دا کار به په امنیتي او جنايي برخو کې مثبته اغېزه ولري.
