گهیځ
کابل-ګهیځ نیوز( د ثور ۲۹مه نېټه):
د ګهیځ نیوز د خبر له مخې د سرپرست حکومت اقتصادي مرستیال، د بغلان ولایت په مقام کې د ملګرو ملتونو اړوندو بنسټونو له استازو سره کتلي دي.
د خبر پر بنسټ په دې کتنه کې سرپرست حکومت سره په همغږۍ دغه ولایت کې له سېلاب ځپلو سره د بشري او پراختیایي مرستو د چټکتیا غوښتنه شوې ده.
اقتصادي مرستیال په دغه کتنه کې ویلي، دغو سېلابونو کې د استوګنیزو کورنو سربېره ۱۹ روغتونونه، ۱۹ ښوونځي، ۱۱۵ پلچکونه لسګونه د اوبو لوی او کوچني کانالونه او دغه راز ۶۰ کیلومټره سړک ویجاړ شوی، چې په خبره یې، بیارغونې ته اړتیا لري.
افغان حکومت د بغلان سېلاب ځپلو سره په داسې مهال د مرستو د ډېرښت غوښتنه کوي، چې د سرپل ولایت کوهستانات ولسوالۍکې هم د سېلابونو له امله سلګونه جریبه کرنیزه ځمکه، د استوګنې ۲۰ کورونه، پلونه، پلچکونه، بندونه او دوکانونه ویجاړ شوي او لسګونه څاروي تلف شوي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/