گهیځ
کابل-ګهیځ نیوز(د وږی/سنبله ۳۱ مه نېټه)
د ګهیځ نیوز د خبر له مخې د افغانستان کرکټ ملي لوبډلې تېره شپه د متحدو عربي اماراتو په شارجه کې د دریو نړیوالو یو ورځنیو لوبو په دوهمه سیالۍ کې هم سویلي افریقا ته د ۱۷۷ منډو په لوی توپیر ماتې ورکړه.
د دغې لوبې په ګټلو سره افغانستان د روانې لوبلړۍ ګټه هم په خپل نوم کړه.
دغې لوبه کې افغان لوبډلې د پچې په ګټلو لومړۍ توپوهنه وکړه او د رحمانالله ګوربز د سلیزې، د رحمت شاه د پنځوسیزې او عظمتالله عمرزي د ۸۶ چټکو او ناسوځېدلو منډو پر مټ یې سویلي افریقا ته د ۳۱۲ منډو هدف وټاکه.
د سویلي افریقا د پیل توپ وهونکو هم ښه لوبه وکړه او د پیل ملګرتیا یې تر ۷۳ منډو وغځوله، خو عظمت عمرزي د څوارلسم اوور پر وروستي بال لوبډلمشر ‘تېمبا باوېوما’ وسوځاوه.
تر هغه وروسته د سویلي افریقا نور لوبغاړي ژر یو بل پسې وسوځېدل او د پنځه دېرشم اوور تر دوهم توپه یې د ټولو لوبغاړو په سوځېدو سره یوازې ۱۳۴ منډې وکړای شوې.
د افغانستان له لوري توپ اچونه کې راشد خان ۵ او ننیګالي خروټي ۴ لوبغاړي وسوځول.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/