گهیځ
کابل-ګهیځ نیوز(د لیندۍ / قوس ۷ مه نېټه)
د ګهیځ نیوز د خبر له مخط د افغانستان ۱۹ کلنو ځوانانو کرکټ لوبډلې پاکستان ته په ماتې ورکولو د درې اړخیزو سیالیو اتلولي په خپل نوم کړه.
په دغه پایلوبه کې افغانستان لومړۍ توپوهنه وکړه او په ۵۰ اورونو کې یې پاکستان ته د ۲۵۰ منډو هدف وټاکه.
پاکستانۍ لوبډلې د ۲۲۹ منډو په جوړولو سره خپل ټول لوبغاړي له لاسه ورکړل او د ۲۱ منډو په توپیر یې افغانستان ته ماتې ومنله.
یادې درې اړخیزې سیالۍ د نومبر په ۱۳مه پیل شوې وې، چې افغانستان په خپلې اتلولۍ سره پای ته ورسولې.
په دغو سیالیو کې فیصل خان د ۳۶۷ منډو په جوړولو مخکښ توپوهونکی شو او نصیر معروف خېل د ۱۲ ویکټو په اخیستلو تر ټولو غوره توپ اچوونکی و.
د درې اړخیزو سیالیو تر پای ته رسېدو وروسته به د افغانستان ۱۹ کلنه لوبډله د روانې میاشتې په ۲۹مه د ۱۹ کلنو اسیا جام سیالیو کې ګډون وکړي، چې د عربي متحده اماراتو په کوربتوب ترسره کیږي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/