گهیځ
ګهیځ: نن سې شنبه (د مرغومي ۱۴مه) پر افغانستان د امریکا اقتصادي بندیزونه به تر شل کلنې جګړې ډېر زیانونه واړوي.
د انټرسېپټ په نامه د امریکا یوې انلاین نشريې د نړیوالو مبصرینو او شنونکو له خولې لیکلي چې امریکا په خپلو اقتصادي بندیزونو د میلیونونه افغانانو ژوند ته ګواښ پېښ کړی دی.
سرچینه وايي د امریکا اقتصادي بندیزونه به تر شل کلنې جګړې ډېر افغانان زیانمن کړي نو له همدې امله دغه هېواد ته په کار ده چې بشري حقونو ته پام وکړي او د افغانانو حقونو ته درناوی وکړي.
تر دې وړاندې هم ګڼو نړیوالو رسنیو په خپلو تحلیلونو کې ویلي چې امریکا دې په افغانستان کې د روان ناورین د پراختیا سبب نه ګرځي او له خلکو سره دې هر اړخیزه مرسته وکړي.
افغان حکومت هم په ځلونو له امریکا غوښتي چې د افغانستان کنګل شوې پانګه ازاده کړي او پرېږدي چې افغانان په خپل هېواد کې سوکاله او ارام ژوند غوره کړي.
