گهیځ
کابل-ګهیځ نیوز( د دلو/سلواغه ۵ مه نېټه):
د امریکایي رسنیو د خبر له مخې یو شمېر امریکایي سرتېرو چې افغانستان کې یې ماموریتونه ترسره کړي، پخوانیو پوځي غړو سره د خپلو لرو روابطو پر مبناء ویلي، روسیې د افغان پوځیانو ډېری غړي د اوکراین د جګړې لپاره استخدام کړي.
د دغو امریکایي پوځیانو له ډلې توماس کاسا چې په افغانستان کې یې دنده ترسره کړې، د امریکا له کانګرسه غوښتي چې د افغانستان له کومانډو او پخوانیو پوځیانو سره مرسته وکړي، څو دوی د اوکراین په جګړه کې له ښکېلتیا څخه وژغورل شي.
نوموړي په نیویارک ټایمز کې لیکلي چې افغان کمانډو د امریکا په پیسو روزل شوي خو اوس پوتین په اوکراین کې د جګړې لپاره ګماري.
افغانستان کې تر وروستي سیاسي بدلون وروسته پخواني زرګونه د اردو پوځیان، پولیس او نور یو شمېر سرتیري له ورک برخلیک سره مخ شول.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/