گهیځ
کابل-ګهیځ نیوز( د دلو/ سلواغه ۲۲ مه نېټه):
د ګهیځ نیوز د خبر له مخې د ایران سرحدي چارواکو ويلي، چې له دغه هېواد څخه د افغان کډوالو د وېستلو د بهیر په ترڅ کې یې په زرګونو نور افغان کډوال په دې وروستیو ورځو کې افغانستان ته ستانه کړي دي.
د خبر پر بنسټ، د ایران د خراسان رضوي د ولایت سرحدي ځواکونو قومندان مجید شجاع ویلي، په دغه هېواد کې د غیرقانوني کډوالو د پېژندنې او ورسره د قانوني چلند بهیر دوام لري.
شجاع زیاته کړې، چې د روان ۱۴۰۲ لمریز کال د سلواغې میاشتې له لومړۍ ورځې د همدې میاشتې تر ۱۵ ورځې ۲۰ زره افغان کډوال، چې قانوني اسناد یې نه لرل، د دوغارون سرحد له لارې افغانستان ته ستانه شوي او د افغان لوري سرحدي چارواکو ته یې سپارلي دي.
دې وروستیو کې د ایراني او پاکستاني حکومتونو له لوري افغان کډوالو سره د سخت چلند راپورونه ډېر شوي دي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/