گهیځ
کابل-ګهیځ نیوز( د اسد/ زمري ۳۰ مه نېټه):
د راپورونو له مخې د افغانستان لپاره د ایران د ولسمشر ځانګړي استازي او کابل کې د ایران سفارت چارسمبالي حسن کاظمي قمي ویلي د ایران د اوبو برخې متخصصانو تایید کړې چې سږکال په زمري میاشت کې د هلمند سیند د اوبو کچه له نورمال اوبیز کاله کمه وه.
هغه دا څرګندونې د ایران د یوه فني پلاوي لخوا د افغانستان د ارزګان په دهراوود کې د اوبو کچې مالومولو تمځای له کتنې یوه اونۍ وروسته کړې، خو قمي پر دې هم ټینګار کړی چې په هر صورت دې د هلمند سیند په اوبو کې د ایران حقابه په سمه او عادلانه ډول ورکړل شي.
هغه پر خپله ټویټر پاڼه لیکلي د ۱۳۵۱ کال د اوبو تړون له مخې ایراني پلاوي ته په دهراوود کې د اوبو کچې ارزولو تمځای د کتلو اجازه ورکول په باور جوړونه او ښه ګاونډیتوب کې د کارنده تعاملاتو پیل لپاره مثبته نښه ده.
هغه زیاته کړې چې د ایران حکومت سیستان سیمې ته له هلمند سیند او له هغې پرته د څښلو اوبو د تامین پر ګڼو پروژو کار کوي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/