گهیځ
کابل-ګهیځ نیوز( د ثور/غویي ۲۷ نېټه):
د راپورونو له مخې د برېښنا شرکت مسوولینو ويلي، چې د تېر حکومت یو شمېر کارکوونکي که د برېښنا پورونه ورنه کړي، کورونه به یې داوطلبۍ ته وسپاري.
د برېښنا شرکت رییس زیاته کړې، چې په دې اړه یې د سرپرست حکومت له رهبرۍ سره خبرې روانې دي.
د برېښنا شرکت وایي، هغه کسان چې اوسمهال د برېښنا د لګښت پورونه پرې پاتې دي، نومونه به یې ډېر ژر له رسنیو سره شریک شي.
برېښنا شرکت دغه راز د وارداتي برېښنا د بدیل یوازینۍ لار د اوبو د بندونو په برخه کې پانګونه بولي.
دغه شرکت په راتلونکي کال کې د عوایدو ډېروالي ته خوښي څرګنده کړې ده.
افغانستان کې په کور دننه د برېښنا د تولید ترڅنګ دغه هېواد د اړتیا وړ ۴۴۰ میګاواټه برېښنا له ترکمنستان، ازبکستان، تاجکستان او ایران څخه واردوي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/