گهیځ
کابل-ګهیځ نیوز( د جدی/ مرغومي ۱۴ مه نېټه):
د ګهیځ نیوز د خبر له مخې د افغانستان د بهرنیو چارو وزارت ویاند عبدالقهار بلخي پر خپلې ټویټر پاڼې لیکلي، چې دوی د ایران په کرمان کې د دوو چاودنو پېښه چې ګڼ لسګونه کسانو ته په کې مرګ – ژوبله اوښتې، په سختو ټکو غندي.
ایران د ملګرو ملتونو امنیت شورا ته په لېږل شوي لیک کې غوښتنه کړې، چې دغه برید دې د ترهګریز برید په توګه ثبت کړي.
ایران دغه لیک کې ویلي چې دوی د یادې پېښې په اړه خپلې پلټنې پیل کړي دي.
پرون ناوخته دایران په کرمان ښار کې د سپاه پاسدران د قدس ډلې د پخواني قومندان قاسم سلېماني د څلورم تلین په مراسمو کې دوه چاودنې وشوې، چې تر اوسه په کې ۱۰۵ تنو د وژل کېدو او نږدې ۳ سوو نورو د ټپي کېدو خبرونه خپاره شوي دي.
که څه هم ایران په غیر رسمي ډول دغه برید کې اسراییل په لاس لرلو تورن کړی، خو په ښکاره لا تراوسه کومې ډلې د یادو چاودنو مسوولیت نه دی منلی.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/