گهیځ
کابل-ګهیځ نیوز(د لړم / عقرب ۱۷ مه نېټه)
د ګهیځ نیوز د خبر له مخې د دغه ولایت د عامې روغتیا ریاست د توبرکلوز، ملاریا او HIV ناروغیو د مخنیوي لپاره تورخم فرضي کرښه کې د سکریننګ مرکز جوړوي.
د دغه ولایت د عامې روغتیا رییس، د توبرکلوز ولایتي مسوول، د UNDP توبرکلوز برخې مسوول، د لابراتوارونو مسوول او د جک موسسې د TB, HIV او ملاریا برخو مسوولینو خپلو کې په دې اړه د همغږۍ ناسته هم کړې ده.
دغه ناسته کې د UNDP مسوول ډاکټر دلاور د خپلو فعالیتونو په اړه د عامې روغتیا رییس ته معلومات ورکړي او زیاته کړې یې ده، چې غواړي په تورخم فرضي کرښه کې د توبرکلوز، ملاریا او HIV ناروغیو د سکریننګ مرکز جوړ کړي.
د دوی په وینا یاد مرکز به هېواد ته د راتلونکو مسافرو معاینات ترسره کوي، چې په دې سره د دې ناروغیو د خپرېدو مخنیوی وشي.
بل لور د عامې روغتیا رییس د دې مهم ګام هرکلی وکړ او د UNDP د همکارۍ څخه یې د مننې ترڅنګ هغوی ته ډاډ ورکړ چې د دې پروګرام په بریالي تطبیق کې به بشپړه همکاري ترسره کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/