گهیځ
کابل-ګهیځ نیوز(د وږی/سنبله ۱۹ مه نېټه)
د ګهیځ نیوز د خبر له مخې پاکستاني رسنیو ویلي، چې نامعلومو وسلوالو د خېبر پښتونخوا په لکي مروت ولسوالۍ کې د ګمبېلا د پولیسو د مرکز د پلټنو مسوول معتبر خان وژلی دی.
د لکي مروت د پوليسو وياند شاهد حميد ويلي، وسلوالو په منګترا ګنډي عمر چيکړ کلي کې پر معتبر خان ډزې وکړې، چې په نتيجه کې يې د هغه د تره زوی اسفنديار خان هم ژوبل شو.
د دې بريد مسووليت لا چا نه دی منلی.
بل خوا د خېبر پښتونخوا په کورمه کې په وسلوال بريد کې د پاکستان د سرحدي ځواک يو عسکر وژل شوی او درې ژوبل شوي دي.
تر دې يوه ورځ وړاندې، نامعلومه موټر سايکل سپرو وسلوالو د صفي الله په نامه پوليس سرتېری او د هغه ورور نویدالله، چې د پښتون ژغورنې غورځنګ فعال غړی وو، د لکي مروت په اباخېلو سيمه کې د خپل کور مخې ته ووژل.
دواړه وژل شوي کسان د لکي مروت د پوليس د مرکز مشر شفقت الله وروڼه وو.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/