گهیځ
کابل-ګهیځ نیوز(د زمری/اسد ۲۲ مه نېټه)
د ګهیځ نیوز د خبر له مخې ایراني رسنیو ویلي، چې یو شمېر ایراني پانګوالو د سرپرست حکومت اقتصادي مرستیال سره کتنه کې د افغانستان او ایران ترمنځ د ځانګړې صنعتي ساحې جوړولو برخه کې پانګونې ته لېوالتیا ښودلې.
ایراني پانګوالو دې کتنه کې په افغانستان کې د اوسپنې، کانونو استخراج او پروسېس، لمریزې برېښنا تولید، د سړک او رېل لارې شبکو غځولو او د معیاري صنعتي فابریکو جوړولو ته لېوالتیا ښودلې ده.
دغو ایراني پانګوالو ویلي، چې افغانستان د پانګونې لپاره یو مناسب هېواد دی او دوی چمتو دي، څو په یادو برخو کې پانګونه وکړي.
اقتصادي مرستیال دغو پانګوالو ته په یادو برخو کې د سرپرست حکومت له لوري د هر ډول همکارۍ او له نږدې کار کولو ډاډ ورکړی دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/