گهیځ
کابل-ګهیځ نیوز(د لیندۍ / قوس ۱۱ مه نېټه)
د ګهیځ نیوز د خبر له مخې د صنعت او سوداګرۍ سرپرست وزیر د سوداګرۍ او سیمه ییزو همکاریو د پراختیا په موخه د ترکیې د بهرنيو اقتصادي اړیکو شورا له غړو سره کتلي.
د صنعت او سوداګرۍ وزارت د ویاند دفتر د معلوماتو له مخې په دې کتنه کې چې د ترکیې د بېلابېلو سکتورونو (د نفت او ګازو، هوایي شرکتونو، کانونو او ټکنالوژۍ) استازو ګډون کړی و، د افغانستان او ترکیې ترمنځ د اقتصادي اړیکو د ودې او پراختیا او د دواړو هېوادونو ترمنځ د سوداګرۍ کچې د لوړوالي په اړه خبرې شوي.
د یادې شورا غړو د افغانستان د انرژۍ، ټکنالوژۍ، نفتو او ګازو، ساختماني چارو، لوژستیک، کانونو او نساجۍ په سکتورنو کې د همکارۍ او پانګونې لپاره چمتووالی ښودلی او په کابل کې یې د شورا د دفتر پر پرانیستلو لېوالتیا څرګنده کړې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/