گهیځ
ګهیځ: نن شنبه (د سلواغې ۹مه) د افغانستان د سرپرست حکومت د اوبو او انرژۍ وزارت مسوولینو د کمال خان بند د پاتې چارو پیلولو په موخه غونډه کړې ده.
په غونډه کې پرېکړه شوې ده چې ژر به د یاد بند د پاتې چارو د بشپړولو په موخه عملاً لاس په کار شي.
په دغه غونډه کې دغه راز ډاډ ورکړل شوی دی چې اوسنی نظام د ملي پروژو بشپړولو ته ژمن دی او کوم امکانات چې لري د خپل ولس د هوساینې او ښېرازۍ لپاره به یې ونه سپموي.
د یادونې ده چې کمال خان بند د تېر جمهوري نظام پر مهال پرانیستل شو خو د پراختیا په موخه یې ترسره کېدونکي کارونه وځنډېدل چې ا.ا یې د بشپړولو ژمنه کړې ده.
