گهیځ
کابل-ګهیځ نیوز(د کب/ حوت ۲۵ مه نېټه)
د ګهیځ نیوز د خبر له مخې تر هغه وروسته چې افغانستان د بلوچستان د اورګاډي پېښې په اړه د پاکستان حکومت ادعاوې “غیر مسوولانه څرګندونې” وبللې، تېره ورځ د هند حکومت هم د پاکستان تورونه په کلکه رد کړل.
د هند د بهرنیو چارو وزارت ویاند رندیر جیسوال د جمعې په ورځ یوه اعلامیه کې ویلي، پر هند د پاکستان له لوري لګول شوي بې بنسټه تورونه ردوي.
د ده په وینا ټوله نړۍ پوهیږي چې د نړیوالې ترهګرۍ ځاله چېرې ده؟
د دوی په خبره پاکستان دې د خپلو کورنیو ستونزو او ناکامیو پړې پر نورو نه اچوي او خپل ګرېوان ته دې سر ټیټ کړي.
دا څرګندونې وروسته له هغې وشوې، چې پاکستان د بلوچستان اورګاډي پېښه کې پر افغانستان او هند باندې د لاس لرلو تور پورې کړ.
بلوڅ بېلتون غوښتونکو په يوې تازه اعلاميې کې ويلي، چې پاکستان حکومت ته يې د ټاکل شوي ۴۸ ساعته ضرب الاجل پوره کېدو سمدستي وروسته یې ټول ۲۱۴ برمته شوي کسان ووژل.
د بلوڅانو غورځنګ وياند جنيد بلوڅ ويلي، لا هم د دوی او پاکستاني پوځيانو ترمنځ جګړه روانه ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/