گهیځ
کابل-ګهیځ نیوز(د مرغومي / جدی ۱۰ مه نېټه)
د ګهیځ نیوز د خبر له مخې انادولو آژانس په یوه راپور کې ویلي، چې د ترکیې سمندري ځواکونو ۳۲ افغان کډوال د اژه سمندرګي په شمالي څنډه کې نیولي دي.
د راپور پر بنسټ سمندري ځواکونو دا افغان کډوال له یوې ربړي بېړۍ نیولي، چې ۱۶ تنه ماشومان هم په کې شامل دي.
د مسوولینو په وینا نیول شوي کډوال بېرته د کډوالۍ مرکزونو ته استول شوي دي.
ډېری افغان کډوال په قاچاقي توګه د ترکیې له ځینو ساحلي سیمو د اژه سمندرګي له لارې په وړو او غیر معیاري بېړیو کې د یونان ټاپوګانو ته د رسېدو په موخه ځانونه په خطر کې اچوي، چې له امله یې هر کال د سلګونو هغو کډوالو د مړینې او ډوبېدو راپورونه ورکول کیږي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/