گهیځ
کابل-ګهیځ نیوز(د زمری/اسد ۸ مه نېټه)
د ګهیځ نیوز د خبر له مخې یو شمېر پاکستانۍ رسنیو د خپلو ځایي چارواکو له قوله راپور ورکړی، چې د خېبر پښتونخوا په کورمه کې د فرقه ییزو شخړو په ترڅ کې لږ تر لږه ۳۰ کسان وژل شوي او تر یو نیم سلو ډېر نور ټپیان دي.
دا شخړه پنځه ورځې وړاندې د سنیانو او شیعه ګانو د دوو کورنیو ترمنځ د ځمکې ملکیت پر سر پیل شوه، چې وروسته یې فرقه یي بڼه خپله کړه.
د ځایي چارواکو په وینا تر اوسه د دې شخړې د مخنیوي لپاره حکومتي هڅې او د ځايي مخورو جرګې ناکامه شوې دي.
د رسنیو په وینا ځايي مسوولینو د تاوتریخوالي کمولو په موخه په بګن نومې سیمه کې کورمې ته غځېدلې لویه لار تړلې او په سیمه کې انټرنیټي خدمتونه هم غیرفعال شوي دي.
د سیمې اوسېدونکو بیا اندېښنه څرګنده کړې، چې که دا لار همداسې تړلې پاتې شي، تر راتلونکو څو ورځو پورې به سیمه د دارو – درملو او خوړو له جدي کمښت سره مخامخ شي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/