گهیځ
کابل-ګهیځ نیوز(د سرطان ۷ مه نېټه)
د ګهیځ نیوز د خبر له مخې د ملګرو ملتونو د سرمنشي ویاند سټیفان دوجاریک ويلي، چې د دوحې درېیمه غونډه به د افغانستان په اړه د نړیوال تعامل د لا ښه همغږي او منظم ډول وړاندې کولو په موخه جوړه شي.
دوجاریک په یوه خبري غونډه کې ویلي، دا غونډه د افغانستان لپاره د هېوادونو د ځانګړو استازو او د سرپرست حکومت د چارواکو ترمنځ د مخامخ خبرو زمینه برابروي.
د ملګرو ملتونو د سرمنشي ویاند زیاته کړې، چې په دې غونډه کې شاوخوا ۳۰ هېوادونو او نړیوالو بنسټونو ته د ګډون بلنه ورکړل شوې ده.
د سټیفان دوجاریک په وینا، د جولای په دوهمه به د ملګرو ملتونو د سیاسي او سولې په چارو کې د ملګرو ملتونو د سرمنشي مرستیاله روزماري ډی کارلو او د هېوادونو ځانګړي استازي د بشري حقونو د سازمانونو او د ښځو د حقونو د مدافعینو په ګډون د افغانستان د مدني ټولنې له استازو سره وګوري.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/