د سوډان جګړه کې ۱۲۰ تنه افغانان بند پاتي

کابل-ګهیځ نیوز( د ثور ۴مه نېټه):
رسنیو ‏د بهرنیو چارو وزارت له قوله خبر ورکړی، چې د سوډان په جګړه کې ۱۲۰ تنه افغانان بند پاتې دي.
دوی ویلي، چې دغو افغانانو د وېستلو لپاره یې هلې_ځلې روانې کړي دي.
بل لور د امریکا ولسمشر جوبایډن ویلي، چې د خپل پوځ په مرسته یې پرون په سوډان کې د امریکا له سفارت څخه خپل ټول کارکوونکي وېستلي دي.
سوډان کې د خپلمنځي نښتو له امله سلګونه ملکي کسانو ته مرګ_ژوبله اړولې او لا هم دغه جګړه روانه ده.
د معلوماتو له مخې له سوډان څخه د بهرنیو وګړو د وېستلو پروسه د سره سمندرګي له لارې پیل شوې ده.
د رسنیو د راپورونو پر بنسټ اوس مهال هم په سوډان کې سخته جکړه روانه ده او دغه راز د ملګرو ملتونو سرمنشي انتونیو ګوترېش پر ټویټر لیکلي، چې په سوډان کې د بشري فعالیتونو ترسره کول سخت شوي دي او ډېری د بشري فعالیتونو اړوند ځایونو باندې بریدونه شوي او یا هم چور شوي دي.